Ադրբեջանը չի սահմանափակվելու միայն Արցախով և չունի խաղաղության որևէ մտադրություն` անկախ Արցախի հարցից:
Այս մասին իր ֆեյսբուքյան էջում գրել է ՀՀ մարդու իրավունքների նախկին պաշտպան, ՀՀ արդարադատության նախկին փոխնախարար Արման Թաթոյանը։
«Ադրբեջանական իշխանության նպատակը մեր զգոնությունը թմրեցնելն է և կեղծ խաղաղության շղարշով ագրեսիան առաջ տանելը, հայկական ինքնության ոչնչացումը:
Հիմա նրանց պետական քաղաքականության հիմնարար նպատակներից են մեր հասարակության պառակտումն ու լարվածությունը խորացնելը, Հայկական սփյուռքի հետ բոլորիս թշնամացնելը:
Շնորհակալություն ենք հայտնում միջազգային փաստաբաններ Կարօ Ղազարեանին և Գառնիկ Քերքոնեանին ապացույցների ամրագրման ու վերլուծության հարցերում անփոխարինելի աջակցության համար:
Այս ամենն ապացույցներով վեր է հանված`բոլոր անհրաժեշտ հիմնավորումներով»,- գրել է նա:
