www.tasteatlas.com կայքից արձագանքել են Լիբանանի «Զարթոնք» օրաթերթի խմբագիր Սևակ Հակոբյանի նամակին, որով նա բարձրաձայնում է, որ հայկական ավանդական գաթան օգտագործված է որպես «ադրբեջանական խմորեղեի» գլխավոր նկար։
Բացի այդ, ադրբեջանական ուտեստների բաժնում հայկական գաթային վերաբերող ամբողջ տեղեկությունն օգտագործված է նույնությամբ՝ ավելացրած, որ այն իբր նաև «ադրբեջանական» է։
www.tasteatlas.com կայքում Հայկական ավանդական գաթան «ադրբեջանական» ներկայացնելու, նաև այլ անճշտությունների ու խեղաթյուրումների վերաբերյալ Սևակ Հակոբյանը հարցում է արել ՀՀ ԿԳՄՍ նախարար Ժաննա Անդրեասյանին՝ ակնկալելով պետական դիրքորոշում և պատասխան՝ ի՞նչ են պատրաստվում անել այս ուղղությամբ։
Նախարարից պատասխան դեռ չկա, բայց վերոնշյալ կայքից արդեն արձագանքել են։
Պատասխանը ներկայացնում ենք ստորև՝
Շնորհակալություն օգնության և ձեր ներդրման համար:
Այո, դա մեր համակարգի սխալ է: Սխալը հնարավորինս շուտ կուղղվի։
Եթե ապագայում լրացուցիչ տեղեկություններ ունենաք, անկաշկանդ կերպով ցանկացած պահի կրկին կապվեք մեզ հետ:
Լավագույն մաղթանքներով՝ Նիկո
