Իրանը պատրաստ է նստել բանակցությունների սեղանի շուրջ. Հաքան Ֆիդանի հետ համատեղ մամուլի ասուլիսում հայտարարել է Ստամբուլում գտնվող Իրանի արտգործնախարար Աբբաս Արաղչին։
Արաղչին ընդգծել է, որ Իրանը միշտ պատրաստ է միջուկային հարցի շուրջ բանակցությունների։
«Մենք աջակցում ենք մեր օրինական իրավունքները հաշվի առնող բանակցային գործընթացին: Իրանի Իսլամական Հանրապետությունը պատրաստ է նստել բանակցությունների սեղանի շուրջ: Մենք միշտ աջակցել ենք միջուկային բանակցությունների անցկացմանը արդար, հավասար և խաղաղ ձևաչափով՝ փոխադարձ վստահության վրա հիմնված», – նշել է Արաղչին:
Միաժամանակ նա ընդգծել է, որ Միացյալ Նահանգները վատ մտադրություններ ունի։
Իրանի նախարարը հավելել է, որ ԱՄՆ կառավարությունը բազմիցս տարբեր միջնորդների միջոցով դիմել է Թեհրանին՝ բանակցությունների վերաբերյալ, և այդ պահանջները անընդհատ թարմացվում են։
«Իրանի Իսլամական Հանրապետությունը որևէ խնդիր չունի բանակցություններ վարելու հարցում: Իրանը մտադիր է բանակցել, բայց սպառնալիքներով երկխոսություն սկսելն անընդունելի է: Նախևառաջ, սպառնալիքների լեզվից պետք է հրաժարվել»,-ասել է իրանցի պաշտոնյան։
