Հայաստանն ու Ադրբեջանը պետք է խաղաղության գան. ասել է Լուկաշենկոն ՀԱՊԿ գլխավոր քարտուղար Ստանիսլավ Զասի հետ հանդիպմանը.
«Դե, էլ ինչ խաղալ։ Հիմա վերջապես պետք է, եթե համաձայնել ենք, համակերպվել, պետք է հաշտություն կնքեք։ Եվ այնտեղ հորինելու կարիք չկա… Դե, Դուք այնտեղ եք եղել։ Ինձ ասացին, որ ինչ-որ տեղ լեռներ են բաժանում այս սահմանը։ Դե լսեք, ի՞նչ սարեր։ Դե, համաձայնեք»,- ասել է Լուկաշենկոն։
Հիշենք, որ Նիկոլ Փաշինյանն էլ չէր կարևորում սարերը՝ հայտարարելով, թե տարին տասներկու ամիս ձյունոտ սարերի համար չարժե կռվել։
«Ինչպես Պուտինն ասաց, ռուս սահմանապահները տեղակայված են Թուրքիայի, Իրանի, Ադրբեջանի հետ սահմանների ողջ երկայնքով: Էլ ի՞նչ է պետք: Թող այդ ուղղությամբ աշխատեն: Ես իզուր չեմ ասել, որ որոշակի խաղ է գնում: Ես հասկանում եմ՝ ինչ խաղ է, ինչո՞ւ են այնտեղ ներքաշել Եվրամիությանը, ԵԱՀԿ-ին… Ինչո՞ւ։ Ախր հասկանալի է՝ ինչու: Ի՞նչ են նրանք այնտեղ անելու, եթե այնտեղ արդեն միջնորդը կա: Դեռ մի բան էլ ՀԱՊԿ-ին են ուզում ներքաշել: Կարծես թե էլ ուրիշ զբաղմունք չունի»,- ասել է Բելառուսի նախագահը:
