ԱՄՆ-ը Թուրքիային ավելացրել է մանկահասակ զինվորներ ունեցող երկրների ցուցակում։ Թուրքիան դարձել է ՆԱՏՕ-ի անդամ առաջին երկիրը, որն ընդգրկվել է այդ ցուցակում:
Պետդեպարտամենտի՝ թրաֆիքինգի մասին 2021 թ. զեկույցում նշվում է, որ Թուրքիան «շոշափելի աջակցություն» է ցուցաբերում Սիրիայում գտնվող «Սուլթան Մուրադ» ստորաբաժանմանը և այն խմբին, որը, ըստ Վաշինգտոնի, հավաքագրել և օգտագործել է երեխաներին՝ որպես զինվոր․ հաղորդում է Reuters- ը:
Պետդեպարտամենտի բարձրաստիճան պաշտոնյան նշել է նաև, որ Լիբիայում նույնպես երեխաների են զինվորագրում, և հայտարարել է, որ Վաշինգտոնը հույս ունի աշխատել Անկարայի հետ այդ խնդրի լուծման համար:
«Ինչ վերաբերում է մասնավորապես Թուրքիային, ապա առաջին անգամ է, որ ՆԱՏՕ-ի անդամ է ընդգրկվում ցուցակում։ Որպես տարածաշրջանի հարգելի առաջնորդ և ՆԱՏՕ-ի անդամ՝ Թուրքիան նաև հնարավորություն ունի լուծելու այդ հարցը»,- ասել է պետդեպարտամենտի ներկայացուցիչը:
