Իրանի արտգործնախարարը մեկնում է Սիրիա` Գազայի հատվածի շուրջ ստեղծված իրավիճակի բարդությունների ֆոնին
Իրանի արտաքին գործերի նախարար Մոհամադ Ջավադ Զարիֆը չորեքշաբթի մեկնել է Սիրիա. հայտնում է իրանական «Խաբար» լրատվական պորտալը:
«Սիրիայում Զարիֆը մտադիր է տարածաշրջանային և երկկողմ հարցեր քննարկել սիրիացի պաշտոնյաների հետ»,- նշում է պորտալը:
Լիբանանյան «Ալ Մայադին» հեռուստաընկերությունն էլ հաղորդում է, որ Դամասկոսում քննարկման հիմնական թեմաները կլինեն Գազայի հատվածի շուրջ իրավիճակի զարգացումը:
Հիշեցնենք, որ Սիրիան և Իսրայելը նույնպես հակամարտության մեջ են. Իսրայելը պարբերաբար թիրախավորում է Սիրիայի մայրաքաղաքն ու այլ բնակավայրեր։ Հակամարտության հիմնական թեման Սիրիայի Գոլանի բարձունքներն են, որոնք բռնազավթել է Իսրայելը։
