Վերջին տասնամյակներում աշխարհը մեծ մասամբ կառավարվել է մի քանի երկրների կողմից, բայց այս կարգը փոխվում է։ Այժմ մենք տեսնում ենք համաշխարհային փոփոխությունների միտումներ, որոնք ուղղված են Պարսից ծոցին, Հարավային Կովկասին և Կենտրոնական ու Հարավարևելյան Ասիային. Բաքվում ընթացող Միջազգային ներդրումային ֆորումի շրջանակներում կազմակերպված քննարկման ժամանակ հայտարարել է Ադրբեջանի թվային զարգացման և տրանսպորտի նախարար Ռաշադ Նաբիևը. հայտնում է APA-ն։
Նա ասել է. «Մեր տարածքների ազատագրումից հետո քննարկման թեմաներից մեկը Միջին միջանցքի դիվերսիֆիկացման եղանակն էր։ Առաջացավ տեսլական, և առաջ քաշվեց այն գաղափարը, որ Զանգեզուրի միջանցքը կարող է կարևոր դեր խաղալ Միջին միջանցքում, և մենք վերջին հինգ տարիների ընթացքում առաջ ենք մղում այս օրակարգը։ Այս տարվա օգոստոսին այս միջանցքը միջազգային մակարդակով հաստատվեց։
Թրամփի և Փաշինյանի երկկողմ հանդիպման ժամանակ հնչեց մի տեսլական, որի համաձայն՝ Զանգեզուրի միջանցքը կդառնա Միջին միջանցքի կարևոր մասը։ Մենք Զանգեզուրի միջանցքը չենք դիտարկում որպես առկա երթուղիների այլընտրանք։ Մենք վստահ ենք, որ սա կդառնա կենսականորեն կարևոր երթուղի, օրինակ, երբ եղանակային պայմանները խոչընդոտեն այլ երթուղիներով բեռնափոխադրումները։ Ընդհանուր առմամբ, միջանցքը, ենթադրաբար, կնպաստի մինչև 15 միլիոն տոննա լրացուցիչ բեռի ափոխադրումների իրականացմանը»։
