Միացյալ Նահանգներն արդյունավետ հանդիպում է ակնկալում Քիշնևում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև. հույս է հայտնել Պետդեպարտամենտի մամուլի ծառայության ղեկավար Մեթյու Միլլերը։
«Հայաստանի և Ադրբեջանի ղեկավարներն այս շաբաթվա վերջերին Քիշնևում կհանդիպեն մեր եվրոպացի գործընկերների հետ: Մենք հուսով ենք, որ դա արդյունավետ քայլ կլինի բանակցությունների սեղանի շուրջը։ Ագրեսիվ հռետորաբանությունը կարող է հանգեցնել միայն անցյալի բռնության շարունակության, կառուցողական երկխոսությունը, ինչպես հրապարակային, այնպես էլ փակ, կարող է ստեղծել խաղաղություն, հնարավորություններ և հույս։ Բռնության կիրառմամբ խնդիրները չեն կարող լուծվել»,- գրել է Միլլերը:
«Միացյալ Նահանգները պատրաստ է աջակցել երկու կողմերի ջանքերին՝ կայուն և արժանապատիվ խաղաղության համաձայնագիր կնքելու համար», -հայտարարել է նա։
