Կարևոր է ամեն ջանք գործադրել Ռուսաստանի և Ադրբեջանի միջև առևտրատնտեսական համագործակցությունը ցանկալի հունով տանելու համար։
Ինչպես հաղորդում է ադրբեջանական APA-ն, այս մասին հայտարարել է Ռուսաստանի փոխվարչապետ Ալեքսեյ Օվերչուկը՝ ելույթ ունենալով ադրբեջանա-ռուսական գործարար խորհրդի նիստին։
«Երեկ Շահին Աբդուլաևիչի հետ զրույցում մենք նշեցինք, որ մոտ մեկուկես տարի առաջ տեղի ունեցած ողբերգական իրադարձությունները թուլացրել են մեր կապերը։ Այսօր կարևոր է ամեն ջանք գործադրել կորցրած թափը վերականգնելու և առևտրատնտեսական համագործակցությունը ցանկալի հուն վերադարձնելու համար։ Եվ սա, առաջին հերթին, գործարար համայնքի ներկայացուցիչների խնդիրն է», – հավելել է Օվերչուկը։
Ընդգծելով հարաբերությունների զարգացման կարևորությունը՝ նշել է.
«Ռուսաստանը և Ադրբեջանը մերձավոր հարևաններ են։ Ոչ ոք չպետք է կասկածի տակ դնի մեր հարաբերությունների ամրությունը։ Նույնիսկ ողբերգական իրադարձությունները մնում են անցյալում և բացում են նոր հնարավորություններ այն զարգացնելու համար, ինչին երկու երկրներն էլ արժանի են»։
