Ինձ համար խորապես պատիվ է ստանալ այնպիսի հեղինակավոր մրցանակ, ինչպիսին է «Զայեդի մարդկային եղբայրության մրցանակը», հատկապես որ այն կրում է ԱՄԷ-ի հիմնադիր, հանգուցյալ շեյխ Զայեդի անունը։ Ես դա համարում եմ Կովկասում խաղաղություն հաստատելու մեր ջանքերի ճանաչում՝ ավելի քան երեսուն տարի տևած արյունահեղությունից, հակամարտությունից և պատերազմից հետո։
Ինչպես հաղորդում է APA-ն, այս մասին հայտարարել է Ալիևը հունվարի 20-ին, Դավոսում Euronews հեռուստաալիքին տված հարցազրույցում։
Նա նշել է, որ այսօր Հարավային Կովկասը մտնում է զարգացման նոր փուլ։ «Մենք խաղաղության մեջ ապրել ենք ընդամենը հինգ կամ վեց ամիս։ Մեր անկախ պատմության ընթացքում երբեք խաղաղության մեջ չենք ապրել։ Եվ սա յուրահատուկ զգացողություն է։ Եվ, իհարկե, սա հրաշալի հնարավորություն է։ Այսօր Հայաստանի և Ադրբեջանի միջև հարաբերություններն արդեն վերածվում են համագործակցության։ Մենք վերացրել ենք Հայաստան բեռնափոխադրումների բոլոր սահմանափակումները։ Ավելին՝ սկսել ենք Հայաստանին մատակարարել կարևորագույն ապրանքներ, հիմնականում՝ նավթամթերք, որից այս երկիրը մեծապես կախվածության մեջ է։ Եվ սա փոխշահավետ իրավիճակ է։ Հետևաբար, ես կարծում եմ, որ Հայաստանի և Ադրբեջանի, այդ թվում՝ քաղաքացիական հասարակության համատեղ ջանքերի շնորհիվ մենք կհասնենք ոչ միայն երկարաժամկետ, այլև մշտական խաղաղության Կովկասում։ Սա մեր նպատակն է», – հավելել է Ալիևը։
