Մենք հստակ հիմնավորել ենք, որ երեք, այսպես կոչված, դրվագներով չկա ընդհանրապես հիմնավոր կասկած։ Այս մասին դատարանի բակում լրագրողների հետ զրույցում ասաց գործարար Սամվել Կարապետյանի պաշտպաններից Արամ Վարդևանյանը։
«Մենք մոտեցել ենք ավարտին արդեն։ Հստակ հիմնավորել ենք, որ չկա խափանման միջոցի պայման և պետք է մերժվի, սակայն, եթե դատարանը գտնի, որ այդ պայմանը ինչ որ կերպ հիմնավորվում է, ապա պետք է կիրառի այլընտրանքային խափանման միջոցները», – ասում է փաստաբանը։
Նշենք, որ քննիչը միջնորդել է երկարաձգել Կարապետյանի կալանքի ժամկետը։
