Մատենադարանի տարածքում վերանորոգման ու բարեկարգման աշխատանքները խորհուրդ եմ տալիս սկսել Ծիծեռնակաբերդի հուշահամալիրը նախնական տեսքի բերելուց հետո:
Այո, տեսանելի է, որ վերանորոգման աշխատանքներ իրականցնելու կարիք կա և դա չի վիճարկվում կամ քննարկվում:
Այո, Մատենադարանի տնօրինությունը պատշաճ կերպով տեղեկացնում է աշխատանքների իրականացման անհրաժեշտության ու ժամկետների մասին:
Այնուամենայնիվ ԿԳՄՍ-ն պարտադիր կերպով հենց այս տարվա ընթացքում պետք է վերականգնի Ծիծեռնակաբերդի հուշահամալիրի ավերված ու ոչնչացված մույթերը:
Առ ի հիշեցում, հանրապետական նշանակության հուշարձանին հասցված անվերականգնելի վնասի հիմքով տակավին չկա հարուցված քրեական գործ, հետաքննություն չի իրականացվում հանցավոր անփութության ու ակնհայտ կոռուպցիոն ռիսկերի կապակցությամբ:
Հայկ Դեմոյան, պատմական գիտությունների դոկտոր, Հայոց ցեղասպանության թանգարան-ինստիտուտի նախկին տնօրեն
