Ադրբեջանական կողմը չի բացառում որևէ փուլում Հայաստանի հետ շփումների հետագա ամրապնդման և խաղաղության պայմանագրի ստորագրման հնարավորությունը: Այս մասին այսօր հայտարարել է Ադրբեջանի նախագահ Իլհամ Ալիևը արտասահմանյան զանգվածային լրատվամիջոցներին տված հարցազրույցում:
«Եթե հայկական կողմը նույն մոտեցումը ցուցաբերի ինչ մենք, ապա մենք հարաբերություններ կկառուցենք կապերի հետագա ամրապնդման տեսանկյունից և, իհարկե, եթե ամեն ինչ ընթանա ճիշտ այնպես, ինչպես մենք մտածում ենք, չենք բացառում որևէ փուլում խաղաղության պայմանագրի ստորագրումը», նրա խոսքերը մեջբերում է ՏԱՍՍ-ը։
«Ամեն ինչ կախված կլինի Հայաստանի ղեկավարության՝ ժամանակակից իրականության ճիշտ գնահատումից, ճիշտ եզրակացություններից և ռևանշիզմի փորձերի բացառումից: Մենք ամեն ինչին հետևում ենք, և ավելի ուշադիր ենք հետևելու: <…> Ես խորհուրդ չեմ տալիս Հայաստանի ղեկավարությանը փորձել խաբել մեզ, դա պարզապես այլևս հնարավոր չէ», ասել է Ալիևը։
