Փաշինյանը ԱԺ-ում լրագրողների հետ ճեպազրույցում անդրադարձել է հարցին, թե որքանով է հավանական տարածաշրջանում նոր պատերազմի բռնկումը։
Նա նշել է. «Իմ գնահատականն այն է, որ տարածաշրջանում պատերազմի կամ էսկալացիայի ոչ պատճառ, ոչ նախադրյալ, ոչ հիմնավորում չկա։ Իմ գնահատականը միանշանակ է՝ դրա համար ոչ մի հիմք կամ հիմնավորում գոյություն չունի»:
Հայաստանի Հանրապետությունը ոչ մի անգամ, ոչ մի տեղ, ոչ մի փաստաթղթով՝ ո՛չ գրավոր, ո՛չ բանավոր, չի համաձայնել, պարտավորվել, որ տարածաշրջանաին ապաշրջափակման համատեքստում Հայաստանի ինքնիշխանությունը, իրավազորությունը, տարածքային ամբողջականությունը որեւէ ձեւով կարող է նսեմացվել կամ որեւէ ձեւով կարող է սահմանափակվել. ասել է Փաշինյանը:
«Այսինքն՝ սա ուզում եմ, որ մենք հստակ արձանագրենք: Եվ մենք պատկերացնում ենք, որ էն լուծումները, որոնք առաջարկել ենք, պատկերացնում ենք փոխադարձության սկզբունքով: Էլի ուզում եմ՝ մենք բոլորս հիշենք, որ ՀՀ-ում երկաթուղային ցանցի ամբողջականությունը ապահովվում է Նախիջեւանի տարածքով»,- ասել է նա:
Հավելել է, որ ավելին չի կարող բացահայտել՝ ելնելով նրանից, որ բանակցություններ են ընթանում:
