Տավուշից է սկսվելու սահմանազատումը՝ հյուսիսային անկյունից. լրագրողների հետ զրույցի ժամանակ հայտնել է ՀՀ փոխվարչապետ, ՀՀ-ի և Ադրբեջանի միջև սահմանազատման հանձնաժողովի ՀՀ-ի հանձնաժողովի նախագահ Մհեր Գրիգորյանը։
Նա, մասավորապես, ասել է. «Սահմանազատման վերաբերյալ ամբողջ տեղեկատվությունը հրապարակային է, վերջին հանդիպումից հետո մենք հրապարակել ենք և մատնանշել` ոնց ենք շարունակելու։ Իմ կարծիքով՝ մինչև սկսվելը, մեկ հանդիպում էլ կլինի, որովհետև դեռ հարցեր կան քննարկելու»։
Լրագրողները հետաքրքրվեցին, թե որ կողմի առաջարկն է եղել՝ սահմանազատումը սկսել այդ հատվածից: Ի պատասխան՝ փոխվարչապետը նշեց. «Դա ընդհանուր կոնսենսուսային որոշում է»։
Այս տարի Ջերմուկի հատվածում հնարավոր սահմանազատում իրականացնելու հնարավորության հարցի վերաբերյալ, փոխվարչապետն ասաց, որ չի կարող պատասխանել։
