Ռազմիկ Մկրտչյանը հայտարարություն է տարածել․
Ես՝ Ռազմիկ Մկրտչյանս, տեղեկացնում եմ, որ 2025 թվականի հոկտեմբերի 3-ին որոշում եմ կայացրել դուրս գալ «Քաղաքացիական պայմանագիր» կուսակցությունից։
Վերջին ամիսներին առավել քան երբևէ զգացել եմ Շենգավիթի բնակիչների անկեղծ աջակցությունն ու հավատը։
Դա ամենամեծ գնահատականն է, որը կարող է ստանալ յուրաքանչյուր պատասխանատու մարդ։
Հպարտություն է լինել համայնքի մի մաս, որտեղ վստահությունը ձևավորվում է գործով, իսկ միասնությունը՝ փոխադարձ հարգանքով։
Հիշեցնենք, որ Շենգավիթի նախկին թաղապետ Ռազմիկ Մկրտչյանը` ըստ լուրերի թաղապետարանի աշխատակիցներից մեկին ծեծելու համար կալանավորվել էր։
Ռազմիկ Մկրտչյանը ՔՊ-ական ամենաերկար պաշտոնավարող վարչական շրջանի ղեկավարն էր, ով աշխատանքից ազատվել էր ներթիմային ինչ-որ «ռազբորկաների» արդյունքում։ Շենգավիթի վարչական շրջանի ղեկավարն էր` սկսած 2018թ-ից։
