Դիլիջանի ՔՊ-ական համայնքապետը երևանցիներին հողերը ծախելուց հետո շուկայականից էժան գնով հող է ծախել Հաջի Խդրի Հաջիևին. հայտնում է տավուշցի լրագրող Ոսկան Սարգսյանը։
Դիլիջանի բնակիչները լրագրողին բողոքել են, որ երբ կառուցապատման նպատակով հողամաս ձեռք բերելու համար դիմել են Դիլիջան համայնքի ղեկավար Դավիթ Սարգսյանին, նա մերժել է՝ ասելով, որ Դիլիջանում ազատ հողեր չկան։ Սակայն Դիլիջանում Երևանի, այլ քաղաքների բնակիչների համար հողեր կան, որոնք նրանց վաճառվում են շուկայականից մի քանի անգամ էժան գներով։
Ոսկան Սարգսյանը Դիլիջանի համայնքապետարանի ինտերնետային կայքից տեղեկացել է, որ Դիլիջանի համայնքի ղեկավար Դավիթ Սարգսյանին է դիմել Հաջի Խդրի Հաջիևը՝ Դիլիջան քաղաքի Կամոյի փողոց թիվ 32 հասցեի սեփականության իրավունքով իրեն պատկանող բնակելի տան սպասարկման 1240.0 քմ հողամասին կից գտնվող /Կամոյի փողոց թիվ 32/2 հասցեի/ 1240.0 քմ մակերեսով հողամասը ընդլայնման կարգով իրեն օտարելու խնդրանքով:
Դիլիջան համայնքի ղեկավարն առաջարկ է ներկայացրել համայնքի ավագանուն, Դիլիջան քաղաքի Կամոյի փողոց թիվ 32/2 հասցեի 1240.0քմ հողամասն ուղղակի վաճառքի ձևով, ընդլայնման կարգով, 8.474.532 /ութ միլիոն չորս հարյուր յոթանասունչորս հազար հինգ հարյուր երեսուներկու/ ՀՀ դրամ արժեքով օտարել Հաջի Խդրի Հաջիևին:
«Փետրվարի 18-ին Դիլիջան համայնքի ավագանին համաձայնություն է տվել Դիլիջանի Կամոյի փողոց թիվ 32/2 հասցեի 1240.0 քմ հողամասն ուղղակի վաճառքի ձևով, ընդլայնման կարգով, օտարել Հաջի Խդրի Հաջիևին:
Կենտրոնական ընտրական հանձնաժողովի կայքի ընտրողների ռեգիստրի բաժնում Հաջի Խդրի Հաջիևի մասին տեղեկություններ չկան։ Դիլիջան քաղաքի Կամոյի փողոցում 1240.0քմ հողամասի շուկայական գինը մի քանի անգամ գերազանցում է 8 միլիոն դրամը։
Նիկոլի թվին Դիլիջանում կոռուպցիա չկա, չկա»,- հայտնում է լրագրողը։
Հետևեք մեզ նաև Տելեգրամում։
