5-րդ ալիքի տեղեկություններով, հակակոռուպցիոն կոմիտեն բերման է ենթարկել Սամվել Կարապետյանի թիմակից, հետախույզ Արթուր Ավանեսյանին՝ Կանդազին:
Ենթադրվում է, որ Ավանեսյանի ձերբակալությունը Սամվել Կարապետյանի թիմակիցների վերջին շրջանի ձերբակալությունների տրամաբանության մեջ է և կապված է ընտրական գործընթացներում ենթադրյալ խախտումների հետ: Հակակոռուպցիոն կոմիտեից դեռևս չի հաջողվում մեկնաբանություն ստանալ:
***
«Հրապարակ օրաթերթ»-ը գրում է.
Չնայած Հակակոռուպցիոն կոմիտեից առայժմ չեն պատասխանում մեզ, սակայն, մեր տեղեկություններով, Արթուր Ավանեսյանին բերման են ենթարկել, այսպես կոչված, նախընտրական խոստում տալու համար, իբր ինչ-որ մեկի հետ հեռախոսային զրույցում ասել է, որ «լավ կլինի իր համար», եթե իրենք գան իշխանության։
Այսինքն՝ իշխանությունը համատարած գաղտնալսում է ընդդիմադիրներին եւ ամեն խոսքից կառչելով հետապնդումների ենթարկում։
