Քաղաքագետ-իրավաբան Ռոբերտ Մարգարյանը գրում է. «նիկոլը փետրվարի սկզբին մեկնելու է Վաշինգտոն, որտեղ ըստ իր մամուլի քարտուղարի տարածած հայտարարության ելույթ է ունենալու 5-րդ ամենամյա Միջազգային կրոնական ազատության գագաթնաժողովում (IRF Summit) ու մասնակցելու է «Ազգային աղոթքի նախաճաշին»:
Միջազգային կրոնական ազատության գագաթնաժողովի ծրագիրը հրապարակված է նրա պաշտնական կայքում՝ https://irfsummit.org/programming, որտեղ իհարկե նիկոլից (գոնե մինչև այս պահը) անուն չկա, ոչ պանելային քննարկումների և ոչ էլ այլ թեմաներով քննարկումների ծրագրում:
Փոխարենը փետրվարի 4-ի երեկոյան նախատեսված «Ձայներ ճաղերի հետևում. լուծումների վրա հիմնված պաշտպանություն խղճի բանտարկյալների համար» (Voices Behind Bars: Solutions-Based Advocacy for Prisoners of Conscience) քննարկմանը մասնակցելու է Արցախի Հանրապետության ՄԻՊ Գեղամ Ստեփանյանը, որն ի դեպ մասնակցում է հենց «Արցախի Հանրապետություն»-ից (Gegham Stepanian, Republic of Artsakh): Կասկած չկա, որ նիստի ընթացքում Գեղամ Ստեփանյանը ելույթ կունենա նիկոլի համագործակցությամբ ադրբեջանում պահվող հայ քաղաքական բանտարկյալների թեմայի շուրջ:
Իսկ նիկոլը գիտի՞ որ մասնակցում է մի գագաթնաժողովի, որը պաշտոնապես ճանաչում է Արցախի Հանրապետության գոյությունը, որի հովանավորների ցանկում է Հայոց Առաքելական Սուրբ եկեղեցու Արևմտյան Ամերիկայի թեմը ու նաև հայկական տարբեր կառույցների կողմից ստեղծված կոալիցիայի միջոցով փորձ է կատարվելու գագաթնաժողովի ընթացքում բարձրացնել արցախահայության իրավունքների հարցը: ալիևը ո՞նց կարձագանքի նիկոլի մասնակցությանը նման նիստի:
Հանկարծ էսկալացիա չլինի: Թե նիկոլի համար փետրվարի 6-ին նախատեսված «նախաճաշ»-ն է հիմնական թեման ու ձրի ձվածեղ ուտելը»:
