Ադրբեջանագետ Տաթև Հայրապետյանը գրում է.
«Վաճառել, հողերը թշնամուն հանձնել իշխանության գալու համար, դա մեծ հանցագործություն է, մեծ դավաճանություն, վախկոտություն…»։ Սա Ալիևն է ասել օրեր առաջ՝ իրենց նախկին իշխանությունների և արցախյան առաջին պատերազմի մասին խոսելիս։
Ճշմարտության համար ասեմ, որ մինչ 1993 թվականը՝ Հեյդար Ալիևի իշխանության գալը, Ադրբեջանում չեն եղել հայանպաստ ուժեր, ճիշտ հակառակը եղել են ագրեսիվ հայատյաց ղեկավարներ, որոնց օրոք կազմակերպվել են Բաքվի, Սումգայիթի ու Կիրովաբադի ջարդերը։ Այդ մարդիկ ուղղակի չեն եղել նորմալ կառավարիչներ, ինչն, իհարկե, մեզ օգուտ է բերել, բայց ուշագրավն այն է, որ Ադրբեջանը պատերազմում լուրջ կորուստներ կրել է հենց Հեյդար Ալիևի իշխանության գալու առաջին ամսիներին, բայց դե դրա մասին Ալիևների պատմությունը լռում է:
Այս թեմային ես մանրամասն անդրադարձել եմ 2018 թվականին հրատարակված իմ մենագրության մեջ։
