«Կարող են լինել մարդիկ, որ մեզ չեն հավատա, չեն վստահի մեզ, կմտածեն, որ մենք սխալ ուղով ենք գնում։ Բոլոր այն մարդիկ, ովքեր գիտակցում են, որ Նիկոլ Փաշինյանը մեր երկիրը տանում է նոր ողբերգությունների, նոր պատմերազի, իրենք ևս հնարավորություն ունեն համախմբվելու»,- ասել է «Պատիվ ունեմ» խմբակցության պատգամավոր Տիգրան Աբրահամյանը։
Վերլուծելով Արցախի ու Հայաստանի շուրջ ստեղծված ներքաղաքական ու արտաքին քաղաքական մարտահրավերները՝ նա նկատել է. «Թող համախմբվեն այլ պլատֆորմների շուրջ, այլ դերակատարների շուրջ։ Մեզ համար չկա որևէ մրցակցություն։ Մենք այս ուղղությամբ ենք գնացել, բայց եթե կլինեն այլ ուժեր, որոնք ունեն նույն մտահոգությունները, ինչ մենք, թող իրենք ստեղծեն նոր հնարավորություններ, թող իրենք կանգնեցնեն Նիկոլ Փաշինյանին, թող իրենք վերցնեն իշխանությունը և երկիրը դնեն նորմալ ռելսերի վրա։
Մենք մրցակցության խնդիր չունենք։
Մենք պատրաստ ենք սատարել բոլոր այն ուժերին, որոնք անկեղծորեն գիտակցում են, որ մեր երկրի համար Նիկոլ Փաշինյանը պատուհաս է»։
