Լրագրող Ոսկան Սարգսայանը գրում է.
Տավուշի մարզպետարանը մեկ տարի առաջ հայտնել է, որ 2024 թ․ մայիսի 29-ին Տավուշի մարզպետի աշխատակազմում Ֆրանսիայի Օ-Դը-Սեն դեպարտամենտի ներկայացուցիչների հետ Տավուշի գյուղատնտեսական զարգացման ծրագրերի ղեկավար կոմիտեի նիստի ժամանակ «Տավուշի մարզի զբոսաշրջության զարգացման գործակալություն» ՀԿ-ի նախաձեռնությամբ կայացել է Կիրանց բնակավայրի տնտեսական զարգացման նախագծի ներկայացումը , որով նախատեսվում է Կիրանցում կամ հարակից տարածքներում ստեղծել մարզաբազա և համայնքային բիզնես-ինկուբատոր։
Տավուշի մարզպետ Հայկ Ղալումյանին հարցրել եմ․ «Անցել է ավելի քան մեկ տարի, Կիրանցում մարզաբազա և համայնքային բիզնես-ինկուբատոր ստեղծելու ուղղությամբ ի՞նչ է արվել»։ Մարզպետարանից պատասխանել են․ «Հարցի վերաբերյալ տեղեկացնում եմ, որ Տավուշի մարզպետի աշխատակազմը նման տեղեկատվություն չունի»:
