Թանկ չենք վճարե՞լ ու վճարում գլոբալիզմի ճիրաններում հայտնված Եվրոպայի ու թուրք-ադրբեջանական տանդեմի նկրտումներով Երկիրը հակառուսականության թատերաբեմ դարձնելու համար։
Պաթոսն էինք ծաղրում, սակայն անմիտ ոգևորությամբ ու հուզմունքով վերացական խոսում ենք եվրոպական արժեքներից, մինչդեռ՝ առանցքում չոր հակառուսականությունն է, որի դառը պտուղները ճաշակում ենք մենք, և ամենակարևորը՝ ճաշակելու է մեր սերունդը, և հանուն ինչի՞։
Եթե «քաղաքակիրթ» Եվրոպայի համար Թուրքիայի և Ադրբեջանի հայատյաց քաղաքականությունը, դարձյալ հակառուսականության փաթեթով հրամցվող Հայ Եկեղեցու դեմ իրականացվող հալածանքը և նույն տրամաբանության մեջ քաղաքական հետապնդումները հրաշալի են, ապա Հայ ժողովուրդն այդչափ միամիտ չէ, որ անտեղի ոգևորվի …:
Գևորգ Դանիելյան, իրավագիտության դոկտոր, պրոֆեսոր, Մայր Աթոռի Գերագույն հոգևոր խորհրդի անդամ
