Ռուսաստանի իշխանությունները տեղեկություններ ունեն կորոնավիրուսի դեմ պայքարի վերաբերյալ պետության դեմ պատրաստված տեղեկատվական սադրանքների մասին: Այս մասին հայտարարել է ՌԴ նախագահ Վլադիմիր Պուտինը՝ բացելով Անվտանգության դաշնային ծառայության կոլեգիայի նիստը:
«Գիտեք, շատ փորձեր են արվել, արվում են, և ես շնորհակալություն եմ հայտնում այն տեղեկատվության համար, որը դուք փոխանցում եք երկրի քաղաքական ղեկավարությանը այն մասին, որ այս ոլորտում նաև ծրագրվում են որոշ սադրանքներ», ասել է պետության ղեկավարը՝ վկայակոչելով կորոնավիրուսի դեմ պայքարում Ռուսաստանի ձեռքբերումները կասկածի տակ դնելու փորձերը:
Պուտինը շեշտել է, որ «Ռուսաստանի Դաշնության դեմ իրականացվում է նպատակային տեղեկատվական արշավ` մի շարք հարցերի վերաբերյալ անհեթեթ և չհիմնավորված մեղադրանքներով»։
