«Մենք նրան բռնեցինք», – ասել է Յուտայի նահանգապետ Սփենսեր Քոքսը՝ հայտարարելով, որ Չարլի Քըրքի սպանության մեջ կասկածվողը ձերբակալվել է. հայտնում է BBC-ն։
Նրա անունը Թայլեր Ռոբինսոն է, 22-ամյա երիտասարդ՝ հարավ-արևմտյան Յուտայից։
Պաշտոնյաները հաստատեցին, որ նա Յուտայի Վելիի համալսարանի (UVU) ուսանող չէ։ Մամուլի ասուլիսից հետո Յուտայի պետական համալսարանը հաստատեց, որ Ռոբինսոնը կարճ ժամանակով սովորել է այնտեղ 2021 թվականին։
Քոքսն ասել է, որ ընտանիքի անդամներից մեկը նկարագրել է, թե ինչպես է Ռոբինսոնը վերջին տարիներին «ավելի քաղաքականացված» դարձել, և նախկինում իր ազգականին ասել է, որ չի սիրում Քըրքին։
Դեպքի վայրում փամփուշտների պարկուճների վրա հայտնաբերվել են հաղորդագրություններ, այդ թվում՝ «Հեյ, ֆաշիստ։ Բռնի՛ր» և «եթե սա կարդացել ես, դու գեյ ես… լոլ»։ BBC-ի լրագրող Մայք Վենդլինգը նշել է, որ սա կարող է հնարավոր հուշումներ տալ նրա դրդապատճառի վերաբերյալ։
Ինչպե՞ս բռնվեց Ռոբինսոնը։
Իշխանությունները հայտնել են, որ Ռոբինսոնի ընտանիքի անդամը ընտանիքի ընկերոջը պատմել է, որ նա խոստովանել է, որ ինքն է սպանել Քըրքին։ Այնուհետև ընկերը այս տեղեկությունը փոխանցել է շերիֆին։
Քննիչները ուսումնասիրել են UVU-ի կադրերը, որտեղ Ռոբինսոնը չորեքշաբթի օրը տեղական ժամանակով մոտավորապես ժամը 08:29-ին (15:29 BST) գալիս է Dodge Challenger մեքենայով: Չարլի Քըրքը կրակել են չորս ժամ անց՝ 12:23-ին։
Ռոբինսոնը հայտնաբերվել և ձերբակալվել է իշխանությունների կողմից Վաշինգտոնում, Յուտա նահանգում, սեպտեմբերի 12-ին ։ Նա կրում էր տեսանյութում կասկածյալի կրած հագուստը։
