Մոսկվայում սկսվել են «Սպուտնիկ V» պատվաստանյութի՝ 12-17 տարեկան դեռահասների շրջանում կլինիկական ուսումնասիրությունները։ Առաջին կամավորներն արդեն անցնում են բժշկական հետազոտություն մինչև պատվաստանյութի ներակումը: ՏԱՍՍ-ի հաղորդմամբ, այս մասին լրագրողներին ասել է մայրաքաղաքի սոցիալական զարգացման գծով տեղակալ Անաստասիա Ռակովան:
Պատվաստումներն իրականացվում են «Սպուտնիկ V» պատրաստուկով, որն արդեն օգտագործվում է 18 տարեկանից բարձր մարդկանց պատվաստելու համար, բայց այս դեպքում՝ ավելի ցածր դեղաչափով: Ուսումնասիրությունը տևելու է մեկ տարի: Ամբողջ ժամանակահատվածում երեխաները կլինեն բժիշկների մշտական հսկողության ներքո:
