Լեհաստանի ծայրահեղ աջակողմյան նախագահի թեկնածու Գժեգոժ Բրաունը ցուցադրաբար սրբել է ոտքերը Եվրամիության դրոշի վրա երկրի արդյունաբերության նախարարությունում, ապա այրել այն. հայտնում է ՌԻԱ Նովոստի-ն։
Քաղաքական գործիչը տարածել է տեսանյութ, որտեղ երևում է, թե ինչպես է նա մտնում Կատովիցեում գտնվող Լեհաստանի արդյունաբերության նախարարության շենք և հանում ԵՄ դրոշը գերատեսչության նախասրահում գտնվող ձողից։
Նախարարության աշխատակիցների հետ կարճատև բանավեճից հետո նա դրոշը նետել է գետնին և սրբել ոտքերը դրա վրա։
Այնուհետև Բրաունը տեսանյութ է հրապարակել, որտեղ ինքն այրում է ԵՄ խորհրդանիշը։ Վուջեկի ածխահանքի մուտքի մոտ նա այրել դրոշը, որը, ըստ երևույթին, նախկինում ողողել էր դյուրավառ հեղուկով։ Դրոշը անմիջապես սկսել է արագ այրվել։
Նախագահի թեկնածուն այս տեսանյութին կից գրել է. «Կորչի՛ կոմունիզմը։ Սա Լեհաստան է»։
Միաժամանակ Բրաունը հայտարարել է, որ Եվրամիության դրոշը Լեհաստանում իրավական պաշտպանության ենթակա չէ։
«Նման բան չկա, նման պետություն չկա, փառք Աստծո, դեռևս նման պետություն չկա։ Այնպես որ, մենք չենք ներկայացնի մեզ թշնամաբար տրամադրված կազմակերպությունների խորհրդանիշները Լեհաստանում, լեհական նախարարությունում, որոնք, փառք Աստծո, պետական կարգավիճակ չունեն, որևէ իրավական պաշտպանություն չեն վայելում Լեհաստանի Հանրապետության տարածքում։ Սա Լեհաստանն է, ոչ թե Բրյուսելը», – ասել է նա։
Բրաունը Եվրախորհրդարանի անդամ է։ Երեքշաբթի Եվրախորհրդարանը նրան զրկել է պատգամավորական անձեռնմխելիությունից՝ Լեհաստանի իրավապահ մարմինների խնդրանքով, որոնք մտադիր են նրան մեղադրանք առաջադրել հանցագործություններ կատարելու մեջ։
Քաղաքական գործիչը նախկինում էլ է կատարել վիճահարույց գործողություններ։ Բրաունը Լեհաստանի նախագահի 13 թեկնածուներից մեկն է։
Հասարակական կարծիքի հարցումների համաձայն՝ նա ոչ մի շանս չունի անցնելու ընտրությունների երկրորդ փուլ, իսկ առաջին փուլը տեղի կունենա մայիսի 18-ին։
