Թուրքիայի կողմից վերահսկվող Իդլիբի դեէսկալացիոն գոտու տարածքում գործող գրոհայինները ականանետից գնդակոծել են սիրիական բանակի դիրքերը Հալեպի մոտակայքում: Այս մասին հայտարարել է Սիրիայում պատերազմող կողմերի հաշտեցման ռուսական կենտրոնի ղեկավարի տեղակալ Վադիմ Կուլիտը:
«Անօրինական զինված խմբավորումների գրոհայինները ականանետերի կիրառմամբ գնդակոծում են իրականացրել Սիրիայի կառավարական ուժերի դիրքերի ուղղությամբ: Հալեպի նահանգի Քաֆեր-Հանի շրջանից զինյալները 120 մմ-անոց ականներ են արձակել Սիրիայի Արաբական Հանրապետության զինված ուժերի դիրքերի ուղղությամբ՝ Հալեպ քաղաքից հարավ-արևմուտք գտնվող Ուրում-էս-Սուղրա բնակավայրի շրջանում: Հրետակոծության հետևանքով Սիրիայի արաբական բանակի երեք զինծառայող է վիրավորվել», ասել է նա:
