Եվրոպական գազի շուկայում ստեղծված իրավիճակը ոչ մի ազդեցություն չունի Թուրքիայի վրա: Այս հայտարարությունն արել է Ռուսաստանի նախագահ Վլադիմիր Պուտինը սեպտեմբերի 29-ին Սոչիում Թուրքիայի առաջնորդ Ռեջեփ Թայիփ Էրդողանի հետ բանակցությունների ժամանակ:
ՌԴ ղեկավարը նշել է, որ չնայած Եվրոպայում գազի գների անկայուն իրավիճակին, Անկարան իրեն վստահ է զգում «Թուրքական հոսք» գազատարի գործարկման շնորհիվ, հաղորդում է Իզվեստիան:
«Թուրքական հոսք»-ը, որը գազատար համակարգ է դեպի Թուրքիա և տարանցիկ՝ դեպի հարավային Եվրոպայի երկրներ, ամբողջությամբ գործարկվել և գործում է: Այս առումով, ես չեմ կարող ձեզ ևս մեկ անգամ շնորհակալություն չհայտնել` թուրք ժողովրդի և Ռուսաստանի շահերին համապատասխանող այս գազատարի կառուցման վերաբերյալ ձեր հետևողական դիրքորոշման համար», – ասել է Պուտինը:
