ԱՄՆ-ն պատժամիջոցներ է սահմանել ՌԴ յոթ բարձրաստիճան պաշտոնյաների նկատմամբ՝ կապված Ալեքսեյ Նավալնիի շուրջ ստեղծված իրավիճակի հետ: Այս մասին հայտարարել է ԱՄՆ վարչակազմի բարձրաստիճան ներկայացուցիչը լրագրողների համար հատուկ հեռախոսային ճեպազրույցում, հաղորդում է ՏԱՍՍ-ը։
Պատժամիջոցների ցուցակում ընդգրկելը նշանակում է ակտիվների սառեցում ԱՄՆ-ում և արգելք ամերիկյան քաղաքացիների կամ ընկերությունների համար ցանկում ներգրավված անձանց հետ բիզնես վարելու հարցում:







