G20-ի նախագահ․ ՄԱԿ-ը պետք է պահպանի ներկայությունը Աֆղանստանում
G20-ի երկրները նշել են Աֆղանստանում ՄԱԿ-ի մշտական ներկայության անհրաժեշտությունը, հաղորդում է ՌԻԱ գործակալությունը:
«ՄԱԿ-ը կարևոր դեր է խաղում Աֆղանստանում ճգնաժամի լուծման գործում: Կազմակերպության մշտական ներկայությունը երկրում պետք է պահպանվի», – ասվում է փաստաթղթում, որում սահմանվում են գագաթաժողովի ընդհանուր նպատակներն ու սկզբունքները:
G20-ի երկրները Աֆղանստանի իշխանություններին կոչ են արել ապահովել ՄԱԿ-ի բոլոր աշխատակիցների, ինչպես նաև Աֆղանստանում բոլոր դիվանագիտական ներկայացուցչությունների և հումանիտար աշխատակիցների անվտանգությունն ու ազատ տեղաշարժը:
