Ռուսաստանի Առողջապահության նախարարության Գամալեյա կենտրոնում կարողացել են մշակել կորոնավիրուսի դեմ Սպուտնիկ Վի պատվաստանյութի տարբերակ, որը հատուկ փոփոխված է Դելտա շտամի համար: Այս մասին «Ինտերֆաքս»-ին այսօր տեղեկացրել է հաստատության ղեկավար, Ռուսաստանի գիտությունների ակադեմիայի ակադեմիկոս Ալեքսանդր Գինցբուրգը:
Միևնույն ժամանակ, դեռ վաղ է խոսել այդ պատվաստանյութի արդյունավետության աստիճանի մասին, նշել է գիտնականը:
Բացի դրանից, Դելտայի շտամի դեմ պայքարելու համար Գինցբուրգը խորհուրդ է տվել օգտագործել Սպուտնիկ Լայթը որպես երրորդ բաղադրիչ Pfizer պատվաստանյութի երկու ներարկումից հետո: Նա պարզաբանել է, որ Pfizer-ի պատվաստանյութը «Դելտայի» դեմ արդյունավետ է ընդամենը 40%-ով: Հետևաբար, Սպուտնիկ Լայթը կօգնի բարձրացնել պաշտպանությունը:
