Ռուսաստանը հետևում է ԿԺԴՀ-ի կողմից հրթիռի վերջին արձակման մասին տեղեկատվություններին և կարևոր է համարում թույլ չտալ քայլեր, որոնք կարող են խանգարել Կորեական թերակղզու ապամիջուկայնացման բանակցային գործընթացի վերսկսմանը, հայտարարել է ՌԴ արտաքին գործերի փոխնախարար Սերգեյ Ռյաբկովը։
«Մենք հետևում ենք այս թեմայի վերաբերյալ տարբեր աղբյուրներից ստացվող բոլոր տեղեկություններին, դրանք կապում ենք, իհարկե, ՄԱԿ-ի Անվտանգության խորհրդի համապատասխան բանաձևերին», նրա խոսքերը հայտնում է ՌԻԱ գործակալությունը։
«Մենք կարծում ենք, որ կա այլընտրանքային ճանապարհ, և որքան շուտ քաղաքական գործընթացն ու երկխոսությունը վերսկսվեն, այնքան լավ ողջ հյուսիսարևելյան Ասիայի ու նաև գլոբալ անվտանգության համար», – ընդգծել է Ռյաբկովը:
