Միացյալ Նահանգները 20 տարի փորձում է իր չափանիշներն իրագործել Աֆղանստանում, բայց արդյունքը եղան միայն կորուստներ, հայտարարել է Ռուսաստանի նախագահ Վլադիմիր Պուտինը:
«Քսան տարի ամերիկյան զորքերը ներկա էին այդ տարածքում և քսան տարի փորձում էին քաղաքակիրթ դարձնել այնտեղ ապրող մարդկանց, ներմուծել կյանքի նորմեր ու չափանիշներ` բառի ամենալայն իմաստով, ներառյալ հասարակության քաղաքական կազմակերպումը», – Պուտինի խոսքերը հայտնում է Իզվեստիան:
Ռուսաստանի ղեկավարը նշել է, որ արդյունքում եղան միայն ողբերգություններ և կորուստներ՝ ինչպես ԱՄՆ-ի, այնպես էլ Աֆղանստանում ապրողների համար:
«Արդյունքը զրոյական է, եթե չասենք, որ ամեն ինչ դեպի բացասականն է շարժվել», – հավելել է Պուտինը:
