Պենտագոն․ Չինական գերձայնային հրթիռը պտտվել է երկրագնդի շուրջ

Պենտագոնի համաձայն՝ Չինաստանը գերձայնային զենք է փորձարկել 2021 թվականի ամռանը, հայտնել է Defence One ամերիկյան հրատարակությունը։

Հրատարակությունը մեջբերում է ԱՄՆ պաշտպանական գերատեսչության աշխատակցի խոսքերը, ում անունն ու պաշտոնը չեն նշվում։ Վերջինիս վարկածի համաձայն՝ գերձայնային հրթիռը թռչել է Երկրի շուրջ։ Նա նշել է, որ ներկայումս Պենտագոնը գնահատում է այդ փորձարկումների հետևանքները։

Չինաստանի արտաքին գործերի նախարարության պաշտոնական ներկայացուցիչ Չժաո Լիցզյանը հոկտեմբերի 18-ին կայացած ճեպազրույցում ասել էր, որ այս տարվա օգոստոսին Չինաստանը փորձարկել է ոչ թե նոր տեսակի սպառազինություն, այլ տիեզերական սարքավորում։