Յոթ երկրներից ռազմական կազմ է ժամանել Նիժնի Նովգորոդի շրջան՝ մասնակցելու «Արևմուտք-2021» ռազմավարական զորավարժություններին: ՏԱՍՍ-ի հաղորդմամբ, այս մասին լրագրողներին հայտնել են Արևմտյան ռազմական օկրուգի մամուլի ծառայությունից:
«Հայաստանի, Հնդկաստանի, Ղազախստանի, Ղրղզստանի, Մոնղոլիայի, Պակիստանի և Շրի Լանկայի մոտ 500 զինծառայողներ Ռուսաստանի օդատիեզերական ուժերի ռազմատրանսպորտային ինքնաթիռներով մեկնել են Արևմտյան ռազմական օկրուգի մարտական պատրաստության կենտրոնի ինքնավար դաշտային ճամբար», – ասվում է շրջանի հաղորդագրության մեջ:
«Արևմուտք-2021» ռուս-բելառուսական ռազմավարական համատեղ զորավարժությունները կանցկացվեն սեպտեմբերի 10-16-ը: Դրանց կմասնակցի մոտ 200 հազար մարդ, ավելի քան 80 ինքնաթիռ և ուղղաթիռ, մինչև 760 միավոր ռազմական տեխնիկա։
