Ռուսաստանի արտգործնախարար Սերգեյ Լավրովը և եվրոպական դիվանագիտության ղեկավար Ժոզեպ Բորելը բանակցություններ են վարում Նյու Յորքում: Հանդիպումը սկսվեց ձեռքսեղմումով և նկարահանմամբ, որից հետո լրագրողներին խնդրեցին հեռանալ նիստերի դահլիճից, հաղորդում է ՌԻԱ գործակալությունը:
Բորելն ու Լավրովը քննարկել են ԵՄ-ի և Ռուսաստանի միջև առավել կայուն և կանխատեսելի հարաբերությունների կառուցումը: Նրանք քննարկել են նաև իրավիճակը Աֆղանստանում, Ուկրաինայում, Իրանի հետ միջուկային գործարքն ու Մերձավոր Արևելքի կարգավորումը, հայտնում է ՌԴ արտգործնախարարությունը։
