Իրանի արտաքին գործերի նախարար Աբբաս Արաղչին և ԱՄՆ նախագահի հատուկ դեսպանորդ Սթիվ Վիտկոֆը քննարկել են բողոքի ցույցերը. տեղեկատվությունը տարածել է Axios-ը՝ հղում անելով անանուն աղբյուրներին։
Աղբյուրների փոխանցմամբ՝ կողմերը քննարկել են առաջիկա օրերին հանդիպում անցկացնելու հարցը։
Հստակ չէ՝ Արաղչիի և Վիտկոֆի միջև կապը հաստատվել է հեռախոսով, թե՞ գրավոր։
Սպիտակ տունը և ԱՄՆ Պետդեպարտամենտը չեն արձագանքել Axios-ի մեկնաբանության խնդրանքին։
Նշենք, որ ավելի վաղ Իրանի արտաքին գործերի նախարարության խոսնակ Իսմայիլ Բաղային հայտարարել էր, որ Արաղչիի և Վիտկոֆի միջև կապի ալիքը բաց է, և կողմերը անհրաժեշտության դեպքում հաղորդագրություններ են փոխանակում դրա միջոցով։
