Ադրբեջանի և ԱՄՆ-ի ներկայացուցիչները քննարկել են TRIPP-ի զարգացման հեռանկարները
Հունվարի 12-ին Ադրբեջանի արտաքին գործերի փոխնախարար Էլնուր Մամեդովն ընդունել է ԱՄՆ Առևտրի և զարգացման գործակալության (USTDA) Մերձավոր Արևելքի, Հյուսիսային Աֆրիկայի, Եվրոպայի և Եվրասիայի տարածաշրջանային տնօրեն Կարլ Կրեսի գլխավորած պատվիրակությանը:
Հանդիպման ընթացքում քննարկվել են երկու երկրների միջև էներգետիկայի, առևտրի, տարածաշրջանային կապերի, այդ թվում՝ TRIPP երթուղու, և տնտեսական ներդրումների ոլորտներում երկկողմ համագործակցության ներկա վիճակը։ Բացի այդ, քննարկումը կենտրոնացած էր ԱՄՆ մասնավոր հատվածի ներկայացուցիչներին Ադրբեջանում առկա համապատասխան ենթակառուցվածքային և լոգիստիկ հնարավորություններին, ինչպես նաև համագործակցության զարգացման հեռանկարներին ծանոթացնելու վրա։
