Իրանի արտգործնախարարությունը դատապարտում և անհիմն է համարում Արաբական ծովում Mercer Street տանկերի վրա հարձակման վերաբերյալ Թեհրանի մասնակցության վերաբերյալ «Մեծ յոթնյակի» (G7) հայտարարությունը: Այդ մասին շաբաթ օրը հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն:
«Մենք խստորեն դատապարտում ենք «յոթնյակի» երկրների արտաքին քաղաքական գերատեսչությունների ղեկավարների, ինչպես նաև եվրոպական դիվանագիտության ղեկավարի [Ժոզեպ Բորելի] անհիմն հայտարարությունը, որում չհիմնավորված մեղադրանքներ են հնչեցվում Իրանի դեմ», մեջբերում է ԱԳՆ մամուլի ծառայությունը:
Դիվանագետը հավելել է, որ «իսլամական հանրապետությունը լիովին հավատարիմ է Պարսից ծոցի և Օրմուզի նեղուցի ռազմավարական ջրային ուղիների անվտանգության ապահովմանը»:
