Իսրայելի վարչապետ Բենիամին Նեթանյահուն հաստատել է Գազայի վրա լայնածավալ հարձակման մեկնարկը՝ արմատական ՀԱՄԱՍ շարժումը ջախջախելու նպատակով:
Նա այս հայտարարությունն արել է կոռուպցիայի գործով դատարանում ցուցմունք տալուց առաջ, հաղորդում է Ynet պորտալը։
«Մենք ինտենսիվ գործողություն ենք սկսել Գազայում», – ասել է վարչապետը՝ հղում անելով այս հանգամանքներով պայմանավորված իր խիտ գրաֆիկին և, հետևաբար, խնդրելով հետաձգել իր մասնակցությամբ կանոնավոր լսումները։
Իսրայելի պաշտպանության նախարար Իսրայել Կացը, ըստ էության, նույնպես հաստատել է Գազա քաղաքում հարձակողական գործողության ինտենսիվ փուլի մեկնարկը: Նրա խոսքով՝ Իսրայելը չի կանգնի մինչև չկատարի իր առջև դրված խնդիրները՝ ջախջախելով պաղեստինյան արմատական ՀԱՄԱՍ շարժման զինված ստորաբաժանումներին:
«Գազան այրվում է։ Իսրայելի պաշտպանության բանակը երկաթե բռունցքով հարվածում է ահաբեկչական ենթակառուցվածքներին, նրա զինվորները քաջաբար պայքարում են՝ պատանդների ազատ արձակման և ՀԱՄԱՍ-ի ջախջախման համար։ Մենք չենք նահանջի կամ չենք թուլացնի մեր ջանքերը, մինչև խնդիրը չլուծվի», – գրել է Կացը X-ում։
