Երեխաների միջազգային օրվա առիթով Ռուսաստանի լիբերալ-դեմոկրատական կուսակցության ղեկավար Վլադիմիր Ժիրինովսկին առաջարկել է մինչև 30 տարեկաններին դիտարկել որպես երեխա:
«Եկեք երկարացնենք տարիքը. 30 տարեկանից ցածր մարդիկ կհամարվեն երեխաներ: Մինչև 30 տարեկանը նրանք ոչինչ չեն հասկանում, բոլորը երեխաներ են», դիմել է նա պատգամավորներին Պետդումայի լիագումար նիստում Երեխաների միջազգային օրը:
Ժիրինովսկին առաջարկել է, որ ավագ սերունդ համարվեն 70-ից բարձր տարիքի մարդիկ: «Աշխատե՛ք, ընկերներ, ովքեր 35 տարեկանից բարձր են, ամբողջ հույսը ձեզ վրա է», եզրափակել է նա:
Անցյալ տարվա դեկտեմբերին Պետդուման ընդունել էր օրենք երիտասարդության տարիքը մինչև ներառյալ 35-ը բարձրացնելու մասին:
