Ուկրաինայի նախագահ Վլադիմիր Զելենսկին պաշտպանության նախարար Ռուստեմ Ումերովի գլխավորած պատվիրակությանն ուղարկել է՝ Ռուսաստանի և Ուկրաինայի ներկայացուցիչների միջև բանակցություններ վարելու, որոնք առաջինն են 2022 թվականի գարնանից ի վեր։ Ռուսաստանը բանակցություններին ներկայացնում է նախագահի օգնական Վլադիմիր Մեդինսկու գլխավորած պատվիրակությունը։
Վլադիմիր Մեդինսկուց բացի, ռուսական պատվիրակության կազմում են փոխարտգործնախարար Միխայիլ Գալուզինը, ԳՌՈՒ-ի ղեկավար, ծովակալ Իգոր Կոստյուկովը, պաշտպանության փոխնախարար Ալեքսանդր Ֆոմինը և չորս փորձագետներ՝ Պաշտպանության նախարարությունից, Արտաքին գործերի նախարարությունից, ԳՌՈՒ-ից և նախագահի աշխատակազմից։
Զելենսկին պատվիրակության կազմը անվանել է «կեղծ» և ընդգծել, որ իրեն պաշտոնապես չեն տեղեկացրել, թե ով է ներկայացնելու Ռուսաստանը բանակցություններում։
Ավելին, ուկրաինական պատվիրակության կազմը ոչ միայն հայտարարվեց միայն օրվա երկրորդ կեսին, այլև նրանց ուղևորության փաստը հաստատվեց միայն երեկոյան։
Ուկրաինայի դիվանագիտական շրջանակների աղբյուրը «Ռոյթերս»-ին հայտնել է, որ Կիևը քննարկում է Ստամբուլ «համապատասխան մակարդակի» անձի ուղարկելու հարցը։
