ՌԴ արտաքին գործերի նախարարությունը TikTok սոցիալական ցանցում էջ է ստեղծել: «Մենք վաղուց էինք պլանավորում: Եվ վերջին շաբաթների իրադարձությունների զարգացումը արագացրեց գործընթացը: Սա տուրք չէ նորաձևությանը, այլ պարզապես տեղեկատվական աշխատանք է», – շաբաթ օրը լրագրողներին ասել է դիվանագիտական գերատեսչության պաշտոնական ներկայացուցիչ Մարիա Զախարովան։
Այս պահի դրությամբ էջը պարունակում է մի քանի տեսանյութ՝ նվիրված ռուսական «Սպուտնիկ V» կորոնավիրուսային պատվաստանյութին, հաղորդում է ՏԱՍՍ-ը:





