Եվրոպական խորհրդարանի իսպանացի պատգամավոր, Թուրքիայի հարցով մշտական զեկուցող Նաչո Սանչես Ամորը խիստ մտահոգություն է հայտնել Հայաստանում սոցիալական ցանցերում արտահայտված կարծիքների համար մարդկանց կալանավորելու դեպքերի կապակցությամբ՝ զգուշացնելով, որ նման գործելաոճը հետագա տարիներին խստորեն կզննվի Եվրամիության կողմից։
Վերջապես Հայաստանը հավակնում է ԵՄ անդամակցության թեկնածու լինել, պետք է ուշադրություն դարձնել նաև ներքին խնդիրներին. Եվրանեսթ ԽՎ քաղաքական, մարդու իրավունքների եւ ժողովրդավարության հարցերի հանձնաժողովի նիստի ժամանակ հայտարարեց Թուրքիայի հարցերով Նաչո Սանչես Ամորը։
Նա շեշտեց, որ խոսքը Թուրքիայի հետ սահմանը բացելու մասին չէ խոսքը։
«Այլ այն, ինչ տեղի է ունենում Հայաստանի հավաքներին. չեմ եկել ձեզ դատելու համար, բայց 20-40 ոստիկաններով մարդկանց կալանավորում են։ Եթե, օրինակ, կաշառքի համար է՝ այլ է, բայց երբ կարծիքի համար են դատում, սոցցանցերում հայտնած կարծիքի համար, ուշադիր, զգույշ եղեք, սա անընդունելի է»,- ասաց Սանչես Ամորը։
ԵՄ պատգամավորը շեշտեց, որ իրենք շատ լավ գիտեն, թե ինչ է տեղի ունենում։
«Զգույշ եղեք, որովհետև մենք շատ լավ գիտենք, ինչ է տեղի ունենում, երբ դուք սկսում եք մեղադրել, հետապնդել և ձերբակալել մարդկանց՝ պարզապես սոցիալական ցանցերում ինչ-որ բան գրելու համար, սա արդեն մեթոդ է։ Ժողովրդավարության մեջ մեկ անձի անգամ չի կարելի բանտարկել իր կարծիքի համար, օրինակ՝ գնանք Ստամբուլ։ Դուք չպետք է ոստիկաների ուղարկեք։ Իհարկե, անձը պետք է դատարան ներկայանա, բայց չպետք է դատապարտել և եզրակացնել, որ նա վտանագվոր մարդ է, միայն հիմնվելով նրա կարծիքի վրա։ Հայկական իշխանությունները պետք է ուշադիր լինեն այս հարցերին, եթե դուք հավակնում եք ԵՄ թեկնածու երկիր լինել», – ասաց նա։
Սկզբում ուղարկենք բանտ, հետո տեսնենք՝ ինչ տեղի կունենա։ Տեղյակ եղեք նման դեպքերի մասին, քանի որ շատ խորն ուսումնասիրել ենք այս դեպքերը»։
