Եվրամիությունը սկսել է նախապատրաստել իր տնտեսությունը կլիմայի գլոբալ փոփոխության արդյունքում հնարավոր համակարգային բնական աղետներին: Ինչպես հաղորդել է Reuters-ը, Եվրահանձնաժողովը հատուկ կանոնակարգ է մշակել ԵՄ-ում ենթակառուցվածքների և էներգետիկ օբյեկտների հուսալիությունը բարելավելու համար:
Միայն այս պահանջներին համապատասխանող նախագծերը կկարողանան 17,5 միլիարդ եվրոյի չափով լրացուցիչ ֆինանսավորում ստանալ ԵՄ կայուն զարգացման հիմնադրամից:
Նոր պահանջները նախատեսում են ճանապարհային և երկաթուղային կամուրջների և թունելների հուսալիության բարձրացում, մայրուղիների, էլեկտրակայանների և էլեկտրահաղորդման գծերի՝ ջրհեղեղներից, փոթորիկներից, երաշտներից և այլ տարերային աղետներից պաշտպանություն:
Այս կանոնակարգը կդառնա ԵՄ տնտեսության գլոբալ վերակառուցման ծրագրի մաս` մինչև 2050 թվականը ածխածնի զրոյական արտանետումների հասնելու նպատակով: Եվրահանձնաժողովի հաշվարկների համաձայն, այս առաջադրանքը կպահանջի առնվազն 1 տրիլիոն եվրո ներդրումներ:
