ԱՄՆ պետքարտուղար Էնթոնի Բլինկենը Պաղեստինի ազգային վարչակազմի ղեկավար Մահմուդ Աբբասին խոստացել է, որ ԱՄՆ-ն մարդասիրական օգնություն կցուցաբերի Գազայի հատվածին: Այն կտրամադրվի վերջերս ռազմական գործողությունների արդյունքում տուժած շրջաններին, հաղորդում է «ՌԻԱ» գործակալությունը:
«Պետքարտուղարը շեշտել է, որ ԱՄՆ-ն մտադիր է համագործակցել Պաղեստինի իշխանությունների և ՄԱԿ-ի հետ ՝ հրատապ մարդասիրական օգնություն տրամադրելու և Գազայի համար միջազգային օգնություն հավաքելու նպատակով՝ ջանքեր գործադրելու Գազան վերականգնելու համար», գործակալությունը մեջբերում է Պետդեպարտամենտի խոսնակ Նեդ Փրայսին:
