ԲԱՑ ՆԱՄԱԿ
Արամ Ա. Վեհափառին
Անթիլիաս, Լիբանան
16 Հոկտեմբեր, 2025
Վեհափառ Տէր,
Քիչ առաջ, եւ ի մեծ զարմանս ինծի, Հայաստանի Կառավարութեան լրատուական բաժինը, հետեւեալ լուրը տարածեց, զորս կը տեղադրեմ այստեղ ամբողջութեամբ:
«Վարչապետ Նիկոլ Փաշինյանն ընդունել է Շահան Արքեպիսկոպոս Սարգիսյանին։
Արքեպիսկոպոսը Մեծի Տանն Կիլիկիո Կաթողիկոս Արամ Ա–ի անունից վարչապետ Փաշինյանին է նվիրել Արամ Ա–ի գահակալության 30–ամյակի առիթով հրատարակված հատորը։ Արքեպիսկոպոսը վարչապետ Փաշինյանին է փոխանցել նաև Արամ Ա կաթողիկոսի ջերմ ողջույններն ու օրհնությունը։
Վարչապետը շնորհակալություն է հայտնել հատորը նվիրելու համար և նշել, որ իր համար մեծ պատիվ է ընդունել այն։ Նիկոլ Փաշինյանը խնդրել է նաև իր ջերմ ողջույններն ու բարեմաղթանքները փոխանցել Արամ Ա Կաթողիկոսին։
Շահան Արքեպիսկոպոս Սարգիսյանը նշել է, որ արդյունավետ կերպով համագործակցում են նաև Մատենադարանի տնօրինության հետ և ողջունել ՀՀ Կառավարության կողմից Սարգիս Շնորհալու «Մեկնութիւն յոթ Կաթողիկէ թղթոց» աստվածաբանական և ձեռագրագիտական բացառիկ արժեք ունեցող աշխատությունը Մատենադարանին ընծայաբերելու փաստը։ Արքեպիսկոպոսի խոսքով՝ Կառավարության նման քայլը բարձր է գնահատել նաև Արամ Ա Վեհափառը։
Զրուցակիցները մտքեր են փոխանակել Մեծի Տանն Կիլիկիո կաթողիկոսության գործունեության, Մերձավոր Արևելքում տեղի ունեցող իրադարձությունների համատեքստում, Լիբանանում և Սիրիայում հայ համայնքների հետ կապված իրավիճակի շուրջ»:
Հասկնալով հանդերձ, որ տուեալ այցելութեան ժամադրութիւնը նախօրոք առնուած կրնար ըլլալ, սակայն նման լուր մը իմ մօտ անհեթեթութեան (absurd) ժանրի տպաւորութիւն ձգեց եթէ նկատի ունենանք, որ ան զուգադիպեցաւ նոյնինքն այս վարչապետին գլխաւորած իշխանութեան կողմէ Հայաստանեայց Առաքելական Եկեղեցիի մեծաթիւ հոգեւորականներու ձերբակալումէն ընդամէնը օր մը ետք,: Բնականաբար եւ ամէն պարագայի, կ՛ենթադրեմ նաեւ, որ երկու ծանօթ Սրբազաններու ձերբակալումէն առաջ չէ, որ ժամադրութիւն առնուած կրնար ըլլալ, որ ամէն պարագայի կարելի էր չեղարկել…:
Ուրախ եմ, որ աւելի ուշ, Կիլիկիոյ Կաթողիկոսարանի տարածած լուրը ունեցաւ հետեւեալ վերջաբանը, որ կը պարունակէր ՀՀ պաշտօնական հաղորդագրութենէն տարբեր մանրամասնութիւն, որուն անհամբեր եւ մեծ յոյսով կը սպասէի. «Հանդիպումը առիթ հանդիսացաւ անդրադարձ կատարելու պետութիւն֊եկեղեցի յարաբերութեան։ Շահան սրբազան յանուն Արամ Ա. Վեհափառ Հայրապետին, իր մտահոգութիւնը յայտնեց ներկայ կացութեան գծով եւ շեշտեց պետութիւն֊եկեղեցի գործակցութեան կարեւորութիւնը։ Միաժամանակ ան արծարծեց հոգեւորականներու ձերբակալութեան հարցը եւ այդ գծով անհրաժեշտ լուծումներ որոնելու հրամայականը»։
Խնդիրը կը մնայ այն սակայն, որ միշտ հաւատացած էի, թէ Մեծի Տանն Կիլիկիոյ Կաթողիկոսութիւնը ունի այն իմաստութիւնը, քաղաքական հոտառութիւնն եւ փորձը, որ նախապէս կռահէր թէ նման այցելութիւն մը այսօր, չարաչար պիտի օգտագործուի իշխանական քարոզչամեքենային կողմէ, որուն համար այստեղ կը տեղադրեմ Փաշինեաններու լրատուամիջոցին ընտրած վերնագիրը, սիրալիր նկարներով հանդերձ. «Շահան արքեպիսկոպոս Սարգիսյանը Արամ Ա-ի անունից վարչապետին ողջույններ, օրհնություն և նվեր է փոխանցել», ուր լրիւ զանց առնուած է Կիլիկիոյ կաթողիկոսութեան լրատուութեան մէջ յիշուածը:
Ի տես այս իրավիճակին ու հակասական կացութեան, պէտք չէ մեղադրել ուրեմն եթէ մեր ժողովուրդի զաւակներէն ոմանք Հայաշխարհը կոչեն Lala Land: Ուրիշներ այս օրերուն նման այցելութիւն մը որակէն, որպէս անշնորհքութիւն (չմոռնանք, որ Կիլիկիոյ Կաթողիկոսութեան լրատուութիւնը չունի ՀՀ իշխանական լրատուութեան հասանելիութիւնը): Մինչ աւելի եւս չարամիտներն ու «դաւադրութեան տեսութեան» հակողները, եղածին մէջ պիտի տեսնեն նախապատրաստութիւն, 1995-ին Անթիլիասէն Էջմիածին Կաթողիկոս ներածումի կարգադրութեան նմանող տարբերակի մը, որ ես գոնէ, ճանչնալով Ձեր Վեհ ու խոհուն անձնաւորութիւնը, այս պահուս կը բացառեմ:
Որդիական սիրով,
ՍԵՒԱԿ ՅԱԿՈԲԵԱՆ
Լիբանանի «Զարթոնք» օրաթերթի գլխավոր խմբագիր
