ԱՄՆ նախագահ Ջո Բայդենը կոչ է արել ամերիկացիներին չանհանգստանալ, որ որևէ այլ տերություն, այդ թվում՝ Ռուսաստանը և Չինաստանը, կկարողանան գերազանցել ԱՄՆ-ին ռազմական հզորությամբ։
«Չինաստանը, Ռուսաստանը և մնացած աշխարհը գիտեն, որ մենք ունենք ամենահզոր զինված ուժերը համաշխարհային պատմության մեջ», – ասել է Բայդենը CNN-ի եթերով ընտրողների հետ զրույցում:
Ամերիկացի առաջնորդը հավելել է, որ պետք է անհանգստանալ Մոսկվայի և Պեկինի գործողություններից, որոնք, Բայդենի կարծիքով, «կդրդեն նրանց լուրջ սխալներ թույլ տալ»։
Միևնույն ժամանակ Բայդենը վստահեցրել է, որ ԱՄՆ-ը չի ցանկանում սառը պատերազմ Չինաստանի հետ։
Սպիտակ տան ղեկավարը ընդգծել է, որ ԱՄՆ-ը հետ չի կանգնի իր դիրքորոշումից: Նա, մասնավորապես, ասել է, որ ԱՄՆ-ը պատրաստ է աջակցել Թայվանին, եթե Պեկինը ռազմական գործողություն սկսի։
