Արյունալի ցույցեր Հարավային Աֆրիկայի նախկին նախագահին բանտարկելու կապակցությամբ

Հարավաֆրիկյան Հանրապետության նախկին նախագահ Ջեյքոբ Զումայի բանտարկությունից հետո վերջին մի քանի օրվա ընթացքում նրա հայրենի Քուազուլու նահանգում սկսվել են համատարած բողոքի ցույցեր՝ աստիճանաբար տարածվելով դեպի Յոհանեսբուրգ:

Հարավային Աֆրիկայի ոստիկանությունը հայտնում է, որ անկարգությունների արդյունքում 72 մարդ է զոհվել, նրանց մեծ մասը մարդաշատ ցույցերի և խանութների կողոպուտի հետ կապված միջադեպերի պատճառով: Ձերբակալվել է նաև ավելի քան 1000 մարդ:

Հարավային Աֆրիկայի նախագահ Սիրիլ Ռամաֆոզան դատապարտել է բռնությունն ու թալանը: Նախկին նախագահի հետ կապված հաստատությունը, սակայն, նախազգուշացրել է, որ մինչ Զումայի ազատումը երկիրը չի ունենա խաղաղություն և կայունություն:

2009-ից 2018 թվականներին Հարավային Աֆրիկայի նախագահը դատապարտվել էր 15 ամսվա ազատազրկման «դատարանին վիրավորելու» և կոռուպցիայի գործով չհամագործակցելու համար: Մերժելով իր պաշտոնավարման ընթացքում տարածված կոռուպցիան՝ Զուման ասաց, որ ինքը պատրաստ չէ համագործակցել հետաքննության հետ:

©️ #ՓԱԿԱԳԻԾ